亚视回归重启《百万富翁》，但主持人就换咗佢！

亚视一回归就同时向大家透露咗未来发展

到时除咗会变身作为“网络电视方式”

即係有机电盒嘅收费电视台出现

而且仲会正式推出「ATV亚洲电视App」

同观众一边睇电视玩游戏，增加互动

唔使清盘，回归大荧幕

亚视肯定要“班齐马”翻来大搞

揾来咗无线电视担任制作总监、英皇娱乐前行政总裁吴雨做CEO

又揾埋TVB前业务总经理陈志云

强强联手搞翻起亚视

早年吴雨加入无线担任制作总监

制作过唔少经典节目

比如《欢乐今宵》、电视剧《封神榜》及《季节》

后来加入华星娱乐有限公司

仲培育了“华星三宝”

——陈奕迅、杨千嬅及梁汉文

陈志云大家就更熟悉了~

佢嘅代表作除咗电视节目《志云饭局》

仲有2010年因涉嫌贪污

被香港廉政公署拘捕之事

重制《百万富翁》

两人之前就係《志云饭局》有过合作

今次双双加入亚视

第一个大project就係复活《百万富翁》

当年呢个节目可以算係亚视嘅头牌

红遍省港澳各地

令到当时嘅主持人陈启泰一炮而红

当年呢个节目有好多大明星都参加过

包括星爷、黄霑等等

但係今次节目主持就换咗画了

亚视有接触几个名人，希望佢地担任主持

但一直都冇确实消息

今次亚视正式宣布咗由陈志云担任主持

踢走陈启泰

睇来呢个新版会係

《志云饭局》 X 《百万富翁》嘅节奏

节目已经确定要重新制作

吴雨同陈志远两个人快马加鞭

开始搭建厂景

为求喇喇声出街同观众见面

而被亚视飞甩嘅陈启泰

係早前与viutv合作咗新节目

表示见到亚视翻生就好戥佢开心

唔介意陈志云取代自己主持《百万富翁》

但小编就认为有啲嘢点解会被封为经典

就係因为无法取替

所以个人认为係陈启泰好啲~

拉拢实力派加盟

为咗帮亚视，吴雨大哥出尽友情牌

邀请曾华倩过来主持节目

吴雨表示仲会有朱慧敏、梁思浩等加盟

有一班实力派过来坐镇

令亚视可以快速咁样恢复翻昔日嘅辉煌

豪掷千万购剧

宜家tvb间唔中都会买啲国产剧版权翻去播

为求其收视

好似之前《武媚娘》、《三世三生十里桃花》、《射雕英雄传》等等

亚视同样唔执输花大手笔买版权

以超过2,000万港元购入

內地重头古装剧《贏天下》香港播映权

同内地同步上映

原本无线都有争套剧嘅播映权

但点知价钱问题比亚视夺得咗

今次亚视强势回归好有信心

仲有齐晒计划，有条不絮

睇来係打算同tvb一较高下

唔知吴雨可唔可以帮亚视恢复当年嘅辉煌呢？

返回搜狐，查看更多